Rheimerlei, die 16.: Dä kölsche Verbundbreef
Dä kölsche Verbundbreef
Eets han de Patrizier de Bischöff vertrivve (1),
dä Ress han se sich dann selvs üvverschrivve.
De Rod bestund vörwiejend us BWL
un Kauflück, die hatten en richtig Kartell.
Se bruchten janz nüdig de Handwerker zwor
bestemmte evver allein, wat jeschoh
un schofe sich ööntlich en ehre Täsch.
Eets muulte de Wewer, die krähte schlemm Dresch (2),
dann schlosse de Jaffeln sich endlich zosamme
un nohme flöck einhungert Riiche jefange (3).
janz unbloodig, jrad ens jovt et paar Schramme.
Wä kuscht däten wigger se nit mieh belange,
wä nit, kunnt zo Foß us Kölle rus jonn
un moot alles lieje losse un stonn.
De Jilde han vun dem beschlagnahmte Jeld
us Stein wie vum Dom dä Toan hinjestellt (4).
vor Stolz un wie’n Schwur op de Kölsche Verbundbreef (5).
uch wenn et späder nit immer janz rund leef.
Et moote manch Rodsherr de Kopp noch verliere (6),
dann däten de Bürjer de Rod kontrolliere (7).
Dat loss uns am Eng vun däm all hee noch fiere.
Der Kölner Verbundbrief
Erst haben die Patrizier die Bischöfe vertrieben,
den Rest hab’n se sich dann selbst überschreiben.
Der Rat bestand vorwiegend aus BWL
und Kaufleuten, die hatten ein richtiges Kartell.
Sie brauchten ganz nötig die Handwerker zwar,
bestimmten aber alleine, was geschah,
und schufen sich ordentlich in die eigene Tasche.
Erst maulten die Weber, die kriegten schlimm Dresche,
dann schlossen die Gaffeln sich endlich zusammen
und nahmen flott 100 Reiche gefangen,
ganz unblutig, gerade gab es ein paar Schrammen.
Wer kuschte, taten sie weiter nicht belangen,
wer nicht, konnte zu Fuß aus Köln rausgehn
und musste alles liegen lassen und stehn.
Die Gilden haben von dem, beschlagnahmten Geld
aus Steinen wie vom Dom den Turm hingestellt
aus Stolz und wie’n Schwur auf den Kölner Verbundbrief,
auch wenn es später nicht immer ganz rund lief.
Es musste mancher Ratsherr den Kopf noch verlieren,
dann taten die Bürger den Rat kontrollieren.
Das lasst uns am End von dem allen hier noch feiern.
(1) – 1370: Schlacht von Worringen, (2) – 1370: Weberrevolution, (3) – 18.6.1396, (4) – Rathausturrm: 1407-1414, (5) – 1395, (6) – 1512, (7) – 1513; Transfixbrief, heeldt bes vür de Franzose
