Rheimerlei, die 11.
Chlodwig, dä Massemööder, dä jroße
Wat han dä Karl un uch der Otto dann jemaht
dat mer die „Jruße“ nenne. Wör’t nit anjebraht,
dat uch zo don met unserm aale Chlodowech.
däm Schwoger vun däm (Dieter? nä) Theoderich.
Uch dä heiß „jroß“ un hät doch einijes verbroche,
nor hät dat evver singem Knochejob entsproche,
e Rich zo jründe un zo halde. Karl un Otto
jewonne Games of Thrones nit einfach su im Lotto.
Broch mer dann üvverhaup e römisch-dütsches Rich?
Vür’m Chlodwig han de Franke jään dodrop verzich.
Dat wore Buure un bestellte brav ehr Feld,
se kloppte sich zwor vill, endoch nit üm de Welt.
He jov et nor Klein-Klein, et Römisch Rich wor alle,
do kritt dä Chlodwig all dat in sing blodig Kralle,
wat hingerdren eets widde Kaiser Karl jelunge.
Mit däm sing Jrausamkeit hät mer sich afjefunge
De Chlodwig ävver driev et su brutal un ärg,
dojäje wor de edle Otto nor e Zwerch.
Allein wie Chlodwig he in Kölle hät jehuus,
do woodt dat ripuarisch Künningstum baal Mus.
Zom Sonn vum Sigibert, däm treue Waffebroder,
sät hä, bring dinge Papp öm, dann kriss do et Roder.
Dä mät dat uch. Do sät de Chlodwig für de Fanke:
Is besser, ich rejiere üch statt su ne Kranke.
Hä hätt dä Dusel ävver vürher at jeköpp,
de Chlodwig wor e hingertrivve fiese Möpp.
Sing jrößte Trick: dä Heide woodt zom Katholik.
Dat maht Jeschichte: Kölle bleev dat all de Zick,
Zom Jlöck?
Die Übersetzung:
Chlodwig, der Massenmörder, der große
Was hat der Karl und auch der Otto denn gemacht
dass wir die „Große“ nennen? Wärs nicht angebracht,
das auch zu tun mit unserem alten Chlodowech,
dem Schwager von dem Dietrich, nein, Theoderich.
Auch der heißt „groß“ und hat doch einiges verbrochen,
nur hat das aber seinem Knochenjob entsprochen,
ein Reich zu gründen und zu halten. Karl und Otto
gewannen Games of Thrones nicht einfach so im Lotto.
Brauchte man denn überhaupt ein römisch-deutsches Reich?
Vor’m Chlodwig haben die Franken gerne darauf verzichtet.
Das waren Bauern und bestellten brav ihr Feld,
sie kloppten sich zwar viel, doch nicht um die Welt.
Hier gab es nur Klein-Klein, das Römische Reich war alle,
da kriegte der Chlodwig all das in seine blutigen Krallen,
was später erst wieder Kaiser Karl gelungen.
Mit dessen Grausamkiet hat man sich abgefunden.
Der Chlodwig aber trieb es so brutal uns arg,
dagegen war der edle Otto nur ein Zwerg.
Allein wie Chlodwig hier in Köln hat gehaust,
da wurde das ripuarische Königstum bald Mus.
Zum Sohn von Sigibert, einem treuen Waffenbruder,
sagt er, bring deinen Vater umk, dann kriegst du das Ruder.
Der macht das auch! Da sagte Chlodwig zu den Franken,
Ist besser, ich regiere euch statt so ein Kranker.
Er hatte den Dusel aber vorher schon geköpft,
der Chlodwig war ein hintertrieben fieser Hund.
Sein größter Trick: Der Heide wurde zum Katholik.
Das machte Geschichte: Köln blieb das all die Zeit.
Zum Glück?